ÞG Verk kynnir með stolti 42 vandaðar íbúðir við Vorbraut 8-12 í Hnoðraholti, 210 Garðabæ. Húsin þrjú eru fjögurra hæða og bjóða upp á fjölbreyttar tveggja til fjögurra herbergja íbúðir af alls kyns stærðum og gerðum, allt frá 50fm tveggja herbergja íbúðum í 150fm 4ra herbergja þakíbúðir.

Íbúðirnar eru hannaðar með þægindi, birtu og góða nýtingu rýma í huga. Þær eru bjartar og vel skipulagðar, með vönduðum innréttingum, nútímalegu yfirbragði og fallegum tengslum við nærumhverfið, margar hverjar með frábæru útsýni. Undir húsunum er bílakjallari og fylgir bílastæði í bílakjallara með flestum íbúðum.

Íbúðirnar skilast fullbúnar nema án parkets. Innréttingar eru frá Ormsson og bera með sér vandað og hlýlegt yfirbragð. Eldhúsinnréttingar og fataskápar eru í dökku viðarútliti sem gefur íbúðunum nútímalegan og fágaðan svip. Skúffur og skápar eru með ljúflokun og lýsing er undir efriskápum í eldhúsum.

Borðplötur eru ýmist slitsterkar Formica borðplötur frá Ormsson eða steinborðplötur frá Granítsmiðjunni. Eldhús skilast með tækjum og búnaði frá Siemens, þ.e.a.s blástursofni, uppþvottavél og innbyggðum kæliskáp. Helluborð eru ýmist spanhelluborð frá Siemens eða Airforce helluborð frá Ormsson með innbyggðri viftu.

Á baðherbergjum eru neðri skápar með skúffu og efri skápar með spegli, sem tryggir bæði gott geymslupláss og snyrtilegan frágang.